യുഎസ് ഓപ്പൺ വനിതാ ടെന്നീസ് കിരീടം ബ്രിട്ടീഷ് താരം എമ്മ റാഡുകാനുവിന്. കനേഡിയൻ താരം ലെയ്ല ഫെർണാണ്ടസിനെയാണ് എമ്മ തോൽപ്പിച്ചത്. കൗമാരക്കാർ ഏറ്റുമുട്ടിയ ഫൈനലിൽ നേരിട്ടുള്ള സെറ്റുകൾക്കായിരുന്നു 19 കാരിയായ ലെയ്ലക്കെതിരെ എമ്മയുടെ വിജയം (6-4,6-3). ലോക റാങ്കിങ്ങിൽ 150-ാം സ്ഥാനക്കാരിയായ 18 വയസുള്ള എമ്മയുടെ അദ്യ ഗ്ലാൻസ്ലാം കിരീട നേട്ടമാണിത്. 44 വർഷത്തിനു ശേഷമാണ് ഒരു ബ്രിട്ടീഷ് വനിതാ താരം ഗ്രാൻസ്ലാം കിരീടം സ്വന്തമാക്കുന്നത്.